Umuhanzi Natukunda Apophia afite imigambi myiza yo guteza imbere ibihangano bye bikagera ku rwego mpuzamahanga

Natukunda Apophia n’umuhanzi w’indirimbo zihimbaza Imana bakunda kwita gospel akaba yarinjiye mu buhanzi umwaka ushize ariko aza afite imigambi yo kuzamura ibihangano bye kugera ku rwego mpuzamahanga.

Aganira n’Ikinyamakuru Itoroshi Kuwa 8 Kanama 2018 yavuze ko impano yo kuririmba ayifite ariko hari ibyo akibura kugirango ibihangano bye bigere ku rwego mpuzamahanga.

Natukunda avuga ko akeneye itsinda ry’abantu batandukanye kumufasha kuko we kugiti cye atashobora kuba umuhanzi kandi akajya gushaka isoko ry’ibihangano bye ,akajya muri situdiyo gukora indirimbo gutegura ibitaramo n’indi mirimo itandukanye ariko ari itsinda bagabana imwe muri iyo mirimo bagashobora gukora neza kandi bakabyungukiramo.

Natukunda abajijwe uburyo iryo tsinda ritabonetse atazakomeza yagize ati « Ntago abantu nababura ndimo kubashakisha nzababona kandi niziye ko tuzakora tukagera ku rwego rushimishije kuko igikomeye n’impano yo kuririmba kandi ndayifite.Imana yayimpaye ikampa n’ubwenge bwo kumenya kuyikoresha izampa n’abantu dukorane umuziki wanjye ugere ku rwego numva nshaka ko ugeraho ».

Natukunda afite indirimbo zirimo iyitwa Akira ,Ushimwe,Arakwiye,Its so sweet n’izindi zitandukanye akaba afite inzozi zo gukomeza gukora indirimbo zihimbaza Imana agakora ibishoboka byose akagera ku rwego mpuzamahanga.

Natukunda n’umukobwa iyo uganira nawe ubona ari umuhanga akagira ijwi ryiza ku buryo niyo wumvise indirimbo ze wumva ko azaba umuhanzi ukomeye aramutse imigambi ye afite ayishyize mu bikorwa.

Leave a Reply